Səudiyyə Ərəbistanı, İordaniya, Misir, İndoneziya və Fələstinin xarici işlər nazirləri İslam Əməkdaşlıq Təşkilatının (İƏT) baş katibi ilə birlikdə Qəzza zolağının vəziyyəti ilə bağlı Rusiyanın xarici işlər naziri Sergey Lavrovla görüşmək üçün Moskvaya gəliblər.

Rusiya Xarici İşlər Nazirliyinin rəsmi sözçüsü Mariya Zaxarova bir müddət əvvəl Lavrovun Qəzzadakı vəziyyəti müzakirə etmək üçün noyabrın 21-də Ərəb Dövlətləri Liqası (LAS) və İslam Əməkdaşlıq Təşkilatı ölkələrinin xarici işlər rəhbərləri ilə müzakirələr keçirəcəyini açıqlamışdı.