Bloomberg Milyarderlər Indeksi Rusiyanın ən zəngin iş adamlarının siyahısını açıqlayıb. İndeksə görə 2023-cü ilin əvvəlindən rusiyalı milyarderlərin ümumi sərvəti 38,5 milyard dollar artıb.
“Nornickel”in yaradıcılarından biri olan Vladimir Potanin hazırda rusiyanın ən zəngin adamı hesab edilir. Potaninin sərvəti ilin əvvəlindən 2,11 milyard dollar artaraq 30,7 milyard dollara çatıb.
İkinci yerdə NOVATEK-in şəriyi Leonid Mixelson qərarlaşıb. Onun sərvəti 2,71 milyard dollar artaraq 27,3 milyard dollara çatıb.
LUKOIL-un ortağı Vahid Ələkbərovun da varidatı xeyli artıb. Ələkbərovun sərvəti 9,14 milyard dollar artaraq 24,5 milyard dollara çatıb.
Dördüncü yerdə sərvəti 3,07 milyard dollar artaraq 22,9 milyard dollara yüksələn NLMK-nın səhmdarı Vladimir Lisindir.
Beşinci yerdə Əlişir Usmanov (“Metalloinvest” və “Megafon”) qərarlaşıb. Usmanovun sərvəti 1,87 milyard dollar artaraq 20,3 milyard dollara çatıb.
