Snup Doqun konserti gələn il baş tutacaq
SİYASƏT
18:05
07.12.2023
Baxılıb: 923
Snup Doqun konserti gələn il baş tutacaq

Məşhur reper Snup Doqun Ermənistanda təxirə salınmış konserti gələn il baş tutacaq, bunu təhsil, elm, mədəniyyət və idman naziri Janna Andreasyan hökumətdə jurnalistlərlə keçirdiyi brifinqdə bildirib.

"İndi şərtlərlə bağlı danışıqlar gedir. Təşkilatçı şirkət danışıqlardan sonra yeni tarixləri açıqlayacaq. Bu, may-iyun aylarında baş verə bilər", - deyə nazir Andreasyan bildirib.

 

Qeyd edək ki, Ermənistan hökümətinin maliyyələşdirdiyi konsert sentyabrın 23-nə təyin edilmişdi. Reperə buna görə dövlət büdcəsindən 6 milyon dollara yaxın vəsait ödənilib və reper qonorarı alıb. Lakin sentyabr əməliyyatından sonra konsertin baş tutmayacağı açıqlanmışdı. 

 

Ermənistanda kifayət qədər sosial və infrastruktur problemləri olduğu halda dövlət büdcəsindən 6 milyon dolların bu cür konsertə xərclənməsi cəmiyyətdə narazılıqlar yaratmışdı. 

Digər xəbərlər