Ermənistanın Baş naziri Nikol Paşinyan Qazaxıstan prezidenti Kasım-Jomart Tokayevi Ermənistana dəvət edib. Ermənistan hökumətin məlumatına görə, Qazaxıstan prezidenti Ermənistanın baş nazirinin dəvətini qəbul edib.
Erməni tərəfinin məlumatına görə, tərəflər Ermənistan-Qazaxıstan ikitərəfli münasibətlərinin gündəliyi ilə bağlı məsələləri müzakirə ediblər, iki ölkə arasında əlaqələrin inkişaf etdirilməsində qarşılıqlı marağı, iqtisadi və digər sahələrdə əməkdaşlıq potensialının reallaşdırılmasının zəruriliyini vurğulayıblar.
Bəyanatda o da qeyd edilir ki, Qazaxıstan Prezidenti Aktau-İrəvan-Aktua aviareysinin başlanmasını müsbət qiymətləndirərək, onların sayəsində işgüzar əlaqələrin və turist səfərlərinin xeyli artdığını vurğulayıb.
Tokayevin Ermənistana səfəri ilə bağlı maraqlı bir məqam var ki, Qazaxıstan Prezidentinin ofisi Ermənistana dəvət və səfər haqqında heç bir məlumat paylaşmayıb.
