Robert Koçaryanın ailəsindən 60 milyon dolların müsadirəsi tələb olunur
SİYASƏT
10:09
10.12.2023
Baxılıb: 1061
Robert Koçaryanın ailəsindən 60 milyon dolların müsadirəsi tələb olunur

Ermənistanın ikinci prezident Robert Koçaryanın ailəsinin əmlakları müsadirə edilə bilər. Belə ki, Ermənistanın baş prokurorluğu bu yaxınlarda məhkəməyə keçmiş prezidentin böyük oğlu Sedrak Koçaryanın və həyat yoldaşının qanunsuz yollarla əldə etdiyi əmlakların və pulların siyahısını təqdim edib.   

 

Baş prokurorluğun təqdim etdiyi müsadirə siyahısına İrəvanın mərkəzində onlarla mülk, dayanacaq yerləri, "Ameria" və "Converse" banklarında səhmlər, Toyota İrəvanın 30%-lik hissəsi, Tanzanyada qeydiyyata alınan "Play Masters Gaming Corporation" şirkətinin 37.4 % -lik hissəsi daxildir.    

 

Ümumilikdə Koçaryan ailəsindən müsadirə edilməsi tələb edilən əmlaklar siyahısına İrəvanda 20 daşınmaz əmlak, iki maşın və 60 milyon dollar nağd pul və qiymətli kağızlar daxildir.  
 

Hazırda Korrupsiyaya Qarşı Mübarizə Məhkəməsində 90-dan çox əmlakın müsadirəsi ilə bağlı işlərə baxılır. İttiham olunanlar arasında bir çox keçmiş yüksək vəzifəli məmurlar, o cümlədən üçüncü prezident Serj Sarkisyan, keçmiş müdafiə naziri Seyran Ohanyan, keçmiş polis rəisi Vladimir Qasparyan, keçmiş baş nazir Ovik Abramyan və başqaları var. Ümumilikdə Ermənistanın xeyrinə dəyəri 1 milyard 245 milyon dollar olan 1000-ə yaxın daşınmaz və 200-ə yaxın qeyri-qanuni mənşəli daşınar əmlakın müsadirə edilməsi tələb olunur.

Digər xəbərlər