Argentinanın yeni prezidenti Rusiya,Çin və Brazilya ilə münasibətləri inkişaf etdirməyəcək
SİYASƏT
20:56
10.12.2023
Baxılıb: 2482
Argentinanın yeni prezidenti Rusiya,Çin və Brazilya ilə münasibətləri inkişaf etdirməyəcək

Xavyer Milei Argentina prezidenti kimi and içib. Mərasim bazar günü Argentina Milli Konqresinin binasında keçirilib.

Milei and içdikdən sonra səlahiyyət müddəti başa çatan prezident Alberto Fernandez prezidentlik nişanlarını Mileiyə təhvil verib.

İnauqurasiya mərasimindən sonra yeni prezidentin dövlət başçısı kimi ilk çıxışını edəcəyi gözlənilir.

 

Libertar prezident dövlətin iqtisadi işlərə minimal müdaxiləsinin tərəfdarıdır, antiinflyasiya tədbiri kimi Mərkəzi Bankı ləğv etməyə çağırır və hökumətin idarə etdiyi şirkətləri özəlləşdirməyi vəd edir. Bundan başqa o, ABŞ dollarından istifadəni də istisna etmir.

 

Seçki kampaniyası zamanı Miley dəfələrlə Braziliya, Çin və Rusiya ilə dövlətlərarası münasibətləri inkişaf etdirmək niyyətində olmadığını bildirib. Eyni zamanda o, özəl şirkətlərin bu ölkələrlə iş aparmasına mane olmayacağını bəyan edib. O, İsrail və ABŞ-ı Argentinanın prioritet müttəfiqləri hesab edir.

Digər xəbərlər