Zelenski ABŞ-a yola düşüb
SİYASƏT
13:03
11.12.2023
Baxılıb: 3149
Zelenski ABŞ-a yola düşüb

ABŞ prezidenti Co Bayden dekabrın 12-də Ukrayna prezidenti Vladimir Zelenskini ABŞ-ın Ukrayna xalqını dəstəkləməkdə sarsılmaz öhdəliyini nümayiş etdirmək üçün Ağ Evə dəvət edib. 

 

Bəyanatda deyilir ki, iki lider Ukraynanın təcili ehtiyaclarını və ABŞ-ın bu kritik anda Ukraynaya dəstəyinin davamlılığını və əhəmiyyətini müzakirə edəcəklər.

 

Prezidentlərin gündəmində, Kiyevə görə, xüsusilə, silah və hava hücumundan müdafiə sistemlərinin istehsalı üzrə birgə layihələr var.

 

Keçən həftə ABŞ Senatı prezident Co Baydenin Ukraynaya 106 milyard dollarlıq yardım tələbini immiqrasiya elemetnlərinin olmaması bəhanəsilə  rədd edib. Bayden, Rusiya prezidenti Vladimir Putinin nəzarət edilmədiyi təqdirdə ərazi işğalını genişləndirə biləcəyi barədə xəbərdarlıq edərək, Ukraynaya artan hərbi yardımın tez bir zamanda təsdiqlənməsini tələb etmişdi.

 

Bayden Putinin daha da irəliləməsinin qarşısının alınmasının vacibliyini vurğulayaraq, ABŞ-ın milli maraqlarının kritik vəziyyətdə olduğunu bəyan etmişdi. Bayden Putinin Ukraynanı ələ keçirməyə nail olacağı təqdirdə potensial risklər barədə xəbərdarlıq edərək, Rusiyanın daha sonra NATO ölkələrinə müdaxilə ehtimalını irəli sürmüşdü.

Digər xəbərlər