Ukrayna Prezidenti Volodimir Zelenski, Norveçin paytaxtı Oslo'ya gözlənilməz səfər edərək, Şimali Avropa liderləri ilə maliyyə yardımı mövzusunu müzakirə edib.
Norveç Baş Naziri Jonas Gaar Støre çıxışı zamanı bildirib ki, Prezident Zelenski və onun hökuməti tibb bacılarına, həkimlərə, müəllimlərə maaş ödəməli və administrasiyanın işini təmin etməlidir. Baş nazir 2023-cü il üçün Ukraynaya bir milyard dollar təmin edə biləcəyini açıqlayıb. Həmçinin əlavə edib ki, gələn ilin əvvəlində də biz Ukrayna xalqına yardımın gecikməməsi üçün bu mühüm vacib sahələrə birbaşa iqtisadi dəstək göstərəcəyik.
Oslo'da Zelenski, Ukraynanın Avropa İttifaqına üzvlüyü məsələsini də gündəmə gətirib.
"Brüsseldə sabah keçiriləcək sammit asan olmayacaq. İttifaqın 99 faizi Ukrayna'nın üzvlüyünü dəstəkləyir, yalnız Macarıstan buna qarşıdır. Biz çox konstruktivik və Avropa Komissiyasının tövsiyələrini yerinə yetirmək üçün əlimizdən gələni etmişik," deyə Zelenski bildirib.
Sabahkı iclasda, Ukrayna üçün əsas maneə törədə biləcək ölkə Macarıstan sayılır.
