Qırğızıstan-Tacikistan dövlət sərhədinin delimitasiyası və demarkasiyası üzrə topoqrafik işçi qruplarının növbəti iclası olub. Bu barədə Qırğızıstan Nazirlər Kabinetinin mətbuat xidməti məlumat yayıb.
Razılaşmaya əsasən, tərəflərin görüşü bu il dekabrın 8-dən dekabrın 14-dək Batken vilayətinin Batken şəhərində keçirilib.
Görüş zamanı topoqrafik işçi qrupları Qırğızıstan-Tacikistan dövlət sərhədinin 47,05 kilometri ilə bağlı razılığa gəliblər.
Yerdə qalan ərazilərin delimitasiyası ilə bağlı tərəflərin növbəti görüşü Tacikistan ərazisində baş tutacaq.
