“3+3” formatının (Azərbaycan, Ermənistan, Gürcüstan – Rusiya, Türkiyə, İran) qapıları hələ də Gürcüstan üçün açıqdır, əgər Gürcüstan iştiraka hazır olsa, format üzvləri onu dəstəkləyəcək deyə jurnalistlərə Rusiya xarici işlər nazirinin müavini Mixail Qaluzin bildirib.
Qaluzin onu da əlavə edib ki, bir qayda olaraq, regional problemlərin həllinə qeyri-regional nümayəndələri cəlb etmək cəhdləri ən yaxşı halda uğursuzluqla, ən pis halda isə qlobal miqyaslı ciddi fəlakətlə başa çatır.
Qeyd etmək lazımdır ki, bundan əvvəl rəsmi Tbilisi bəyan etmişdi ki, Abxaziya və Cənubi Osetiya işğal olunduğu müddətdə “3+3” danışıqlar formatında iştirak etməyi planlaşdırmır.
