Vatikan bəyan edib ki, Rusiya-Ukrayna sülhünün “birinci şərti” Rusiyanın “təcavüzkarlığına son qoyması”dır.

Bu açıqlamaya səbəb Roma Papası Fransiskin bu yaxınlarda verdiyi müsahibə olub. Belə ki,  həmin müsahibədə Katolik Kilsəsinin lideri Ukraynanın “ağ bayraq qaldırmaq üçün cəsarət nümayiş etdirməli” olduğunu demişdi. Bu bəyanat rəsmi Kiyev və onun müttəfiqi olan qərb ölkəri tərəfindən qəti şəkildə pislənilmişdi. 

 Vatikanın dövlət katibi Pietro Parolin “Corriere della Sera” nəşrinə müsahibəsində bəyan edib ki, “Müqəddəs Taxt-Tac təcavüzkarların atəşi dayandırmalı olduğu mövqeyinə sadiqdir”.