Polşa dövlətinin başçısı Anjey Duda Polşanın faşist Almaniyası tərəfindən işğalının 85-ci ildönümü ilə əlaqədar Veluna səfər edib.
Polşa prezidenti Anjey Duda Almaniyadan İkinci Dünya Müharibəsi zamanı dəymiş ziyana görə yenidən təzminat tələb edib. Nasist Almaniyasının Polşaya təcavüzünün 85-ci ildönümündə, bazar günü, sentyabrın 1-də Polşanın Lodz bölgəsindəki Velun şəhərində çıxış edən Duda, "Bağışlamaq və günahı etiraf etmək bir şeydir, təzminat başqa şeydir" dedi. "80 ildir ki, İkinci Dünya Müharibəsinin illərini də hesablasaq,bu məsələ hələ də həll olunmayıb " Duda bildirib.
Velun, İkinci Dünya Müharibəsində, hücum nəticəsində 1200-ə yaxın yerli sakinin öldürüldüyü zaman nasist təyyarələri tərəfindən bombalanan ilk Polşa yaşayış məntəqələrindən biridir, dpa agentliyi xatırladır. Müharibə illərində Polşada ümumilikdə 6 milyona yaxın insan həlak olub, ölkənin paytaxtı Varşava demək olar ki, tamamilə dağıdılıb.
Milli mühafizəkarları əvəz edən sol mərkəzçi Donald Tusk hökuməti təzminat məsələsini gündəmdən çıxarmayıb.
