Rusiya-Ukrayna müharibəsi beynəlxalq hüquqa uyğun formada başa çatmalıdır.
“Report” “Anadolu”ya istinadən xəbər verir ki, bunu Türkiyə Milli Kəşfiyyat İdarəsinin (MİT) rəhbəri İbrahim Kalın Bakı Təhlükəsizlik Konfransında çıxışı zamanı deyib.
O bildirib ki, Türkiyə həm Ukraynada, həm də Qəzzada davam edən müharibəni sonlandırmaq üçün diplomatik təmasları davam etdirir.
İ.Kalın həmçinin terrorla mübarizə barədə də danışıb: “İŞİD, "əl-Qaidə", FETÖ terror təşkilatlarına qarşı mübarizə birgə səylər tələb edir”.
