Orta Dəhlizin "yaşıllaşdırılması" təşəbbüsü
SİYASƏT
19:04
18.09.2024
Baxılıb: 606
Orta Dəhlizin

BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasında (COP29) Orta Dəhlizin "yaşıllaşdırılması" təşəbbüsü irəli sürüləcək.

"Report" xəbər verir ki, bu barədə nəqliyyat və logistika sahəsində fəaliyyət göstərən Sinqapurun "Global DTC Pte Ltd" şirkətinin Proqramların inkişafı şöbəsinin rəhbəri Janar Bağaşarova Bakıda "Qara dəniz və Xəzərdə beynəlxalq nəqliyyat dəhlizləri" mövzusunda keçirilən "Qara dəniz-Xəzər Logistika Forumu 2024"də bildirib.

Onun sözlərinə görə, bu təşəbbüs Orta Dəhlizin dayanıqlılığını artırmağa yönəlib: "Əsas diqqət karbon izinin azaldılmasına və karbon emissiyalarının azaldılmasının qiymətləndirilməsinə yönəlib ki, Orta Dəhliz ekoloji cəhətdən təmiz marşrut kimi təqdim edilsin".

J.Bağaşarova marşrut boyunca yerləşən ölkələrin, xüsusilə Qazaxıstan, Azərbaycan və Gürcüstanın inteqrasiyasının vacibliyini vurğulayıb. Əhəmiyyətli nailiyyətlərdən biri "KTZ Express" ilə birlikdə "Tez Customs" rəqəmsal platformasının tətbiqi olub ki, bu da Qazaxıstanı "boz zonadan" çıxarmağa və Çin sərhədində proseslərin şəffaflığını artırmağa imkan verib.

Qeyd edək ki, 2024-cü ilin may ayında "Global DTC Pte Ltd" şirkəti ilə "KTZ Express" arasında imzalanmış saziş Transxəzər marşrutu vasitəsilə Çindən Avropa İttifaqına yüklərin tranzitini sadələşdirmək üçün rəqəmsal dəhlizin yaradılmasına yönəlib. "Tez Customs" rəqəmsal platforma artıq Mərkəzi Asiya ölkələrinə çatdırılma zamanı yüklərin elektron gömrük rəsmiləşdirilməsi üçün uğurla istifadə olunur.

"Global DTC" - Orta Dəhliz boyunca ticarət axınını artırmağa kömək edən qlobal neytral multimodal rəqəmsal platformadır. O, bir çox ölkədə logistika proseslərinin iştirakçıları arasında vəsaitlərə qənaət etmək və səmərəliliyi artırmaq üçün rəqəmsal texnologiyalardan istifadə edərək sənədləşdirmə prosesini optimallaşdırır.

Xatırladaq ki, 2014-cü ildə Azərbaycan, Qazaxıstan və Gürcüstanın iştirakı ilə yaradılan Orta Dəhliz Çindən Avropaya Xəzər dənizi vasitəsilə marşrutları birləşdirir. 2023-cü ildə dəhliz üzrə yük daşımalarının həcmi 2,75 milyon ton təşkil edib ki, bu da 2022-ci illə müqayisədə 64 % çoxdur.

Digər xəbərlər
SON XƏBƏRLƏR
Startaplara 12 milyard avro dəstək vəd edir
17:01
Metroda doğulan körpə üçün ömürlük pulsuz abunə
16:55
SVP: İmmiqrantlardan hərbidən azad vergisi alınmalıdır
16:52
Büdcə planları narahatlıq yaradır
16:47
Intelə dövlət dəstəyi ilə bağlı müzakirələr davam edir
16:44
Berlində qəsdən yandırmada şübhələnir
16:40
Tibb bacıları tərk edilmiş xəstəxanada yaşamağa məcbur edildi
16:25
Norveçdə benzinlə işləyən avtomobillərdən daha çox elektrik avtomobilləri var
11:46
ABŞ Federal Ehtiyat Sistemi 2020-ci ildən bəri ilk dəfə əsas faiz dərəcəsini aşağı salıb
11:43
Macarıstan Aİ-nin miqrasiya qaydalarından imtina etmək istəyir
11:38
Hollandiya Aİ-nin miqrasiya qaydalarından imtina etmək istəyir
11:36
NATO-nun iki qərargahı Finlandiyada yerləşəcək
11:29
Bir il ərzində Rusiyanı 2 milyondan çox miqrant tərk edib
11:25
BMT Baş Assambleyası İsraili Fələstin torpaqlarından çəkilməyə çağırıb
11:22
Hər il 1 trilyon ABŞ dollarından çox ziyan
11:09
KİV: İsrail partlayıcı maddələrlə təchiz olunan peycer istehsal edən saxta şirkət yaradıb
11:07
İlon Mask ABŞ-ni senzurada ittiham edib
11:06
Foto və daktiloskopik barmaq izinin identifikasiyası proseduruna başlanılacaq
11:04
Polkovnik: Azərbaycan Ordusu separatçıları 23 saat 48 dəqiqə ərzində kapitulyasiyaya imza atmağa məcbur etdi
11:02
Bakıda “Avrasiya Nəqliyyat Marşrutu” Beynəlxalq Assosiasiyasının yaradılması müzakirə ediləcək
11:02