İngiltərənin Dartford şəhərində koronavirusa görə iflic olan rentgenoloq Pol Skeqq möcüzəvi şəkildə sağalıb.

Onun haqqında yerli “KentOnline” portalı xəbər verib.

Bildirilir ki, Pol Skeqq aprelin 3-də COVID-19-a yoluxma ilə əlaqədar xəstəxanaya düşüb. Xəstəlik zamanı onda “Giyen-Barre sindromu” (süst iflicə səbəb olan xəstəlik) inkişaf edib. Nəticədə tibb işçisi tamamilə iflic olub.

Reanimasiyada 11 gün keçirdikdən sonra P.Skeqq “FaceTime” ilə sevgilisinə zəng vurub və evlənmə təklifi edib. Qız sevincək razılığını bildirib.

P.Skeqq artıq tam sağalıb. Həkimlər onun bu tezliklə ayağa qalxmasını əsl möcüzə adlandırıblar.