Rusiya prezidenti Vladimir Putin təyyarə qəzasında həyatını itirən Yevgeni Priqojinin ailəsinə başsağlığı verib.Prezident Priqojini “həyatında ciddi səhvlərə yol vermiş mürəkkəb keçmişə malik insan” kimi xarakterizə edib, lakin onun həm də uğurlu sahibkar olduğunu qeyd edib.  Xatırladaq ki, Vagner şirkətinin rəhbəri olan Yevgeni Priqojin bu ilin iyun ayında öz qoşunu ilə Moskvaya doğru hərəkət edən Priqojin Prezident Putindən ordu rəhbərliyini işdən çıxarmağı tələb edirdi. Belarusiya prezidenti Lukaşenkonun məsələyə qarışmasından sonra Moskvaya doğru yürüşünü dayandıran Priqojin Belarusa, daha sonra isə Afrikaya getmişdi. Avqust ayının 23-də isə, Rusiya ərazisində baş verən təyyarə qəzası nəticəsində həyatını itirib.