Heyvan hüquqlarını müdafiə edən fəalların məlumatına görə, Gürcüstanda 500 minə yaxın sahibsiz it və pişik yaşayır.
Sahibsiz heyvanlar günlərini Tbilisi küçələrində gəzməklə keçirsələr də, bəxti gətirənlər, mağazalarda, evlərdə gecələyərək, yemək və su əldə edə bilirlər. Heyvan hüquqlarını müdafiə edən fəalın sözlərinə görə sahibsiz ev heyvanları əsasən susuzluqdan əziyyət çəkir.
Heyvan Layihəsi könüllüləri Tbilisidə küçələrə çıxaraq sahibsiz heyvanlara su veriblər. Onlar həmçinin əhali arasında təbliğat apararaq insanlardan sahibsiz heyvanlara qarşı daha diqqətli olmalarını xahiş ediblər.
