Sentyabr ayının 17-də İrəvan şəhərində keçiriləcək seçkilərdə favorit namizədlərdən hesab olunan Hayk Marutyanın Avropada mülkləri ortaya çıxıb. Belə ki, uzun illərdir komediya filmlərində çəkilən Hayk Marutyan 2018-2021 ci illər ərzində İrəvan şəhərinin meri kimi çalışıb. Lakin sonradan Nikol Paşinyanla münasibətləri kəskinləşən Marutyan bu vəzifədən uzaqlaşdırıldı, və o yenidən bu vəzifəyə gəlmək üçün indi öz namizədliyini irəli sürüb. Mer kimi fəaliyyət göstərən zaman Marutyanın, maaşının aşağı olduğuna görə, İrəvan şəhərinin mərkəzindəki evini icarəyə verib, nisbətə daha ucuz evdə yaşadığı xəbərləri yayılmışdı. Onun bu hərəkəti cəmiyyət içində yaxşı qarşılanmışdı. İndi seçkilərə çox az qalmış, Avropada əmlakları üzə çıxan Marutyan, internet televizyalarından birinə verdiyi müsahibədə avropada, xüsusilə Çexiya respublikasında mülklərinin olduğunu, lakin onları ipoteka yolu ilə aldığını bildirir. Marutyan bildirib ki, kirayədən gələn gəlirlə də, o evlərin aylıq ipoteka ödənişi həyata keçirir.