Avropa İttifaqının (Aİ) xarici siyasət və təhlükəsizlik məsələləri üzrə ali nümayəndəsi Cozep Borel sentyabrın 7-8-də Gürcüstana səfər edəcək.
Aİ Xarici Siyasət xidmətinin sözlərinə görə Borelin Gürcüstana səfəri çərçivəsində, onun Gürcüstanın Avropaya inteqrasiya yolunda irəliləyişini müzakirə etməyə, xarici siyasət və daha geniş regional məsələlər üzrə fikir mübadiləsi aparmağı nəzərdə tutulur.
Borel Gürcüstan prezidenti, baş nazir, xarici işlər naziri, deputatlar və vətəndaş cəmiyyəti nümayəndələri ilə görüşlər keçirəcək.
Qeyd etmək lazımdır ki, Borelin bu səfəri Gürcüstanın hakim partiyası ilə prezident arasında gərginlik fonunda həyata keçirilir. Hakim “Gürcü arzusu” partiyası prezident Salome Zurabişvilini Konstitusiyanı pozmaqda ittiham edir və onun impiçmenti prosesinə başlayıb.
Zurabişvili qərbyönümlü siyasətçi hesab olunur və Gürcüstanın hakim partiyası və hazırkı hökumət isə Rusiya ilə yaxınlaşmağına görə tənqid olunur.
Qeyd etmək lazımdır ki, yaxın vaxtlarda Gürcüstanın Aİ-a namizəd statusu alması məsələsinin aydınlanacağı gözlənilir.
