Gürcüstan hökuməti Telavi hava limanında yenidənqurma işlərinə başlayıb. Layihə Telavi Hava Limanı ilə Kutaisi, Ambrolauri, Batumi və Mestia hava limanları arasında birbaşa əlaqə yaratmaq məqsədi daşıyır.
Layihə çərçivəsində Telavi hava limanında yeni terminal infrastrukturunun yaradılması, mövcud uçuş-enmə zolağının tam yenilənməsi və 1,7 kilometrə qədər uzadılması, həmçinin müasir naviqasiya sistemlərinin quraşdırılmasını və yeni naviqasiya qülləsinin tikintisini nəzərdə tutulur. Hökümət rəsmisi bildirib ki, əsas məqsəd 2024-cü ilə qədər hava limanını işlək vəziyyətə gətirmək və sərnişinlərə xidmət göstərməkdir.
