“Hakimlər, Prokurorlar və Vəkillər üçün Etik Qaydalar” adlı distant kurs faəliyyətə başlayıb
REGİONAL MƏTBUAT
18:45
12.10.2023
Baxılıb: 2631
“Hakimlər, Prokurorlar və Vəkillər üçün Etik Qaydalar” adlı distant kurs faəliyyətə başlayıb

Avropa Şurasının “İnsan Hüquqları üzrə Avropa Məhkəməsi qərarlarının Azərbaycan tərəfindən icrasının təkmilləşdirilməsinə dəstək” layihəsi çərçivəsində Avropa Şurasının Hüquq peşəkarları üçün İnsan Hüquqları sahəsində Təhsil Proqramı (HELP) platforması üzərindən “Hakimlər, Prokurorlar və Vəkillər üçün Etik Qaydalar” online kursuna start verilib.

 

1 ay davam edəcək təlimin beynəlxalq və milli nümayəndələrdən, hakimlər, prokurorlar və vəkillərdən ibarət geniş tərkibdə hibrit formatda açılışı keçirilib. Açılış nitqi ilə Avropa Şurasının İnsan hüquqları, ədliyyə və hüquqi əməkdaşlıq standartlarının icrası departamentinin rəisi Frédéric Dolt çıxış edib.

 

Həmçinin, təlim zamanı Baş Prokurorluğun Təşkilat və icraya nəzarət idarəsinin rəisi Tural Aslanov, Baş Prokurorluğun Hüquqi təminat və insan hüquqları məsələləri idarəsinin rəis müavini Günay Əyyubova, Vəkillər Kollegiyasının sədr müavini - Hüquqi Yardım və Tədris Mərkəzinin direktoru Şahmar Məmmədov, Ədliyyə Nazirliyinin Ədliyyə Akademiyasının dekan müavini Günel Sadıqova və digərləri müxtəlif mövzularda üzrə çıxış edib.

 

Ətraflı məlumat üçün Baş Prokurorluğun veb səhifəsini ziyarət edə bilərsiniz. 

Digər xəbərlər