Azərbaycan Avtomobil Yolları Dövlət Agentliyinin əməkdaşları Heydər Əliyev prospektində yerləşən tunelin divarlarını bərpa etməyə başlayıb.
Qeyd etmək lazımdır ki, ötən gün axşam saatlarında Ələsgər Qayıbov küçəsi ilə Heydər Əliyev prospektinə doğru hərəkətdə olan yük maşını naməlum səbəblərdən idarəetmədən çıxaraq Heydər Əliyev prospektinin yan yolu ilə əsas yolu ayıran divara çırpılıb. Nəticədə divarın bir hissəsi deformasiyaya uğrayaraq dağılıb.