Bir neçə rayonda qanunsuz ağac kəsənlər məsuliyyətə cəlb edilib
REGİONAL MƏTBUAT
18:05
24.10.2023
Baxılıb: 3148
Bir neçə rayonda qanunsuz ağac kəsənlər məsuliyyətə cəlb edilib

Baş Prokurorluqdan verilən məlumata görə, Göyçay, Bərdə, İmişli, Biləsuvar və Yardımlı rayonları ərazisində qanunsuz ağackəsmə faktları ilə bağlı araşdırma aparılıb.

 

Araşdırmalar zamanı Göyçay rayonunun Şıxbəy, Bərdə rayonunun Əyricə, İmişli rayonunun Ağaməmmədli kəndlərində, Ələt-Astara magistral avtomobil yolunun Biləsuvar rayonu ərazisindən keçən 162-ci kilometrliyində meşə fonduna aid olmayan, habelə Yardımlı rayonu ərazisində meşə fonduna daxil olan, ümumilikdə 568 ədəd ağac və kolun qanunsuz kəsilməsi nəticəsində təbiətə 60 min manatdan çox ziyan vurulması müəyyən edilib.

 

Aşkar edilmiş faktlarla bağlı Cinayət Məcəlləsinin 259.1, 259.2.3 və  259.2.4-cü (şəxs tərəfindən öz qulluq mövqeyindən istifadə etməklə  xeyli və külli miqdarda ziyan vurmaqla qanunsuz ağac kəsmə) maddələri ilə cinayət işləri başlanaraq istintaqın aparılması üçün aidiyyəti üzrə daxili işlər orqanlarına göndərilib.

Digər xəbərlər