Pakistan hakimiyyəti bu ayın əvvəlində Böyük Britaniyada iğtişaşlara səbəb olan dezinformasiyanın yayılmasında rolu olduğu iddia edilən 32 yaşlı Fərhan Asifi həbs edib və onu kiberterrorçuluqda ittiham edib.
AZƏRTAC xəbər verir ki, həmin şəxs iyulun 29-da İngiltərənin Sautport şəhərində 3 uşağın ölümü və 10 nəfərin yaralanması ilə nəticələnən bıçaqlanma hadisəsində şübhəli bilinən britaniyalı yeniyetmə haqqında “YouTube” və “Facebook” platformalarında dezinformasiya yaymaqda ittiham olunur.
Yayılan məlumatda bıçaqlanmanı törədən şübhəli şəxsin Britaniyada sığınacaq axtardığı və müsəlman olduğu iddia edilmişdi.
