Ebersvaldedə türk ana və oğlunun həyatını itirdiyi yanğında qəsdən yandırmada şübhəsinə əsasən rokurorluq istintaqa başlayıb.

Almaniyanın Ebersvalde şəhərində baş verən, türk əsilli ana Emine Çoban və 5 yaşlı oğlu Umut Can Çobanın həyatını itirdiyi yanğında qəsdən yandırmada şübhəsinə əsasən ilə istintaq başladıldığı açıqlanıb. Brandenburq Əyalət Prokurorluğunun sözçüsü İnqo Keçiçian Almaniyanın RBB televiziyasına verdiyi açıqlamada yanğının qəsdən başladığına dair sübutların olduğunu və yanğının texniki nasazlıqdan çox, qəsdən törədildiyini düşündüklərini bildirib.

Məsələ ilə bağlı əlavə təfərrüat verməyən Keçiçian məhkəmə-tibbi əməliyyatların hələ də davam etdiyini bildirib. Yanğının binanın birinci mərtəbəsində təmir olunan bərbərxananın elektrik qurğusundan başlaya biləcəyi ilə bağlı iddialar var idi.

Həftə sonu Fridrix-Ebert küçəsindəki binada baş verən yanğında Emine Çoban və oğlu Umut Can həyatını itirib, 4-ü ağır olmaqla 6 nəfər yaralanıb. Binada türk, ukraynalı və azərbaycanlı ailələrin yaşadığı və binanın sahibinin türk olduğu bildirilib.