Ölümsüz hesab edilən bu canlı xərçəngin yoluxucu formasını yarada bilir
Təbiətdə ölməz hesab edilən hidra adlanan meduzaya bənzər canlılar həddindən artıq qidalandıqda şiş əmələ gələ bilir və bu şişlər öz klonları vasitəsilə sonrakı nəsillərə ötürülə bilər. Hidra ilə bağlı yeni bir araşdırma xərçəngin yoluxucu növləri haqqında ümumi anlayışımızı dəyişdirir.
Şişlər çoxhüceyrəli canlılar üçün qaçılmaz risk olsa da, fərdlər arasında keçə bilən xərçəng növləri çox nadirdir.
Bu xərçəng növünün ən məşhur nümunələri arasında Tasmaniya şeytanlarına təsir edən iki xərçəng növü, itlərdə görülən başqa bir nümunə və balıqqulağı kimi qabıqlı canlılarda müşahidə edilən 11 hadisə daxildir.
Təkamülçü ekoloq Sofi Tissot və onun Fransa Milli Elmi Tədqiqat Mərkəzindən (CNRS) komandası yoluxucu xərçənglərin mənşəyini araşdırmaq üçün fərqli bir yol tutdu.
Tədqiqatçılar hidra adlı şirin su canlısında şişlərin laboratoriya şəraitində həddindən artıq qidalanma nəticəsində necə yarandığını və onların nəsildən-nəslə necə keçdiyini müşahidə ediblər.
Ölümsüz hesab edilən bu canlı xərçəngin yoluxucu formasını yarada bilir
Yoluxucu xərçəngin izləri
Şirin suda yaşayan və meduza və dəniz anemonları ilə əlaqəli olan Hydra oliqactis "ölməz" sayılır.
Özünü çoxaldan bu canlı öz surətlərini çıxararaq çoxalır. Tədqiqat şişin inkişafı və bu şişlərin sonrakı nəsillərə necə ötürülməsi ilə bağlı yeni tapıntıları ortaya qoydu.
Tədqiqatda həddindən artıq qidalanma şəraitində şiş inkişafını göstərən 50 hidra araşdırıldı.
Tədqiqatçılar bu canlıları beş nəsil boyu müşahidə edərək, şişlərin necə irsi keçdiyini müşahidə ediblər.
Müəyyən edilmişdir ki, şişi olmayan hidraların nəsilləri ilə müqayisədə şişi olan hidraların törəmələrində şişlərin əmələ gəlmə ehtimalı dörd dəfə çoxdur.
Ölümsüz hesab edilən bu canlı xərçəngin yoluxucu formasını yarada bilir
Ekosistemlər üçün təhlükə ola bilər
Tissot və komandası deyir ki, bu tapıntılar yoluxucu xərçənglərin yayılmasına səbəb ola biləcək ətraf mühit şəraitinin yenidən qiymətləndirilməsinin zəruriliyini vurğulayır.
Xüsusilə insan fəaliyyəti ekosistemləri pozduqda yoluxucu xərçənglərin yayılmasını asanlaşdıra biləcək şərtlərin yarana biləcəyi bildirilir.
Araşdırmanın nəticələri Proceedings of the Royal Society B jurnalında dərc olunub.
