Hollandiya Avropa Birliyinin doqquz kvant kompüterindən birini öz ölkəsində quraşdıracaq.

Aİ-nin kvant kompüterlərindən biri Hollandiyada quraşdırılacaq
Bu yeni kvant kompüteri Hollandiyanın “Snellius” superkompüteri ilə inteqrasiya olunacaq və ölkənin kvant texnologiyaları sahəsində lider mövqeyini daha da möhkəmləndirəcək.

Kvant kompüterlərinin istifadə sahələri
Kvant kompüterləri bəzi işləri klassik superkompüterlərdən daha sürətli yerinə yetirə bilir. Bu texnologiyalar böyük şəhərlərdə nəqliyyatın idarə edilməsinin təkmilləşdirilməsi, yeni dərmanların hazırlanması və kiber təhlükəsizliyin artırılması kimi bir çox sahədə istifadə olunacaq.

Layihə 2026-cı ildə tamamlanacaq
20 milyon avroya başa gələcək bu layihənin yarısı Avropa İttifaqı tərəfindən maliyyələşdiriləcək. Layihənin 2026-cı ilin yayında başa çatdırılması planlaşdırılır.