Yaponiyanın hakim Liberal Demokratik Partiyası (LDP) parlamentin aşağı palatasına erkən seçkilərdə lider olmasına baxmayaraq, qanunverici orqandakı çoxluğu itirib.
Bunu NHK telekanalının səsvermənin ilkin nəticələrinə dair məlumatı sübut edir.
Məlumata görə, oktyabrın 27-də keçirilən seçkilərdə LDP və onun hakim koalisiya ortağı “Komeyto” 2012-ci ildən bəri ilk dəfə parlamentin əsas aşağı palatasındakı çoxluğu itirib.
NHK qeyd edib ki, müxalifətdəki “Konstitusiya Demokratik” Partiyası, “Xalq üçün Demokratik” Partiya, Yaponiya Kommunist Partiyası və Yaponiya İnnovasiya Partiyası birlikdə azı 235 mandat qazanıb, səs çoxluğu üçün isə 233 mandat lazımdır.
