Mərkəzi Gömrük Hospitalında yeni MRT cihazı istifadəyə verilib
REGİONAL MƏTBUAT
13:41
21.04.2020
Baxılıb: 11470
Mərkəzi Gömrük Hospitalında yeni MRT cihazı istifadəyə verilib

Mərkəzi Gömrük Hospitalının Radiologiya şöbəsində "Philips" şirkətinə məxsus "Ingenia Elition X 3.0 Tesla" gücündə yeni Maqnit Rezonans Tomoqrafiyası (MRT) cihazı istifadəyə verilib.

Dövlət Gömrük Komitəsinin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, MR koilləri ilə zəngin olan yeni MRT cihazı insan orqanizminin bütün orqan və toxumalarının müayinə etməyə və xəstəliklərin dəqiq diaqnostikasının aparılmasına imkan verir. "Ingenia ElitionX 3.0T." MRT cihazı vasitəsilə baş və onurğa beyin, ürək damar sistemi, qarın boşluğu orqanları, dayaq-hərəkət sistemi orqanları, süd vəzisi və bütün növ pediatrik müayinələr aparılır.

Müasir MR texnologiyasının ən qabaqcıl "Philips Ingenia Elition X 3.0T" MRT cihazında mövcud olan perfuziyon MR, MR spektroskopiya, diffuziyon MR, funksional MR, MR traktoqrafiya vasitəsi ilə beyin-onurğa beyin görüntülənmələrində beyinin ən mürəkkəb xəstəliklərinin dəqiq diaqnozu mümkündür. Pediatrik yaş qrupunda beyin-onurğa beyin patalogiyalarını aşkarlamaq və diaqnozu təyin etmək üçün yeni MRT cihazı ayrıca pediatrik beyin-onurğa beyin koili ilə təchiz edilib. Eyni vaxtda bütün onurğa beyini bir dəfəyə çəkiliş etmək olur.

Ürək-damar xəstəliklərinin diaqnostikasında istifadə olunan MRT cihazı ürəyin morfoloji və funksional dəyərləndirilməsinə, xəstəliklərin aşkarlanmasına imkan verir. Uşaq ürək xəstəliklərinin MR diaqnostikasını etmək üçün cihazda pediatrik MR koilləri mövcuddur. Qeyd edək ki, bu müayinə imkanları ölkəmizdə yalnız Mərkəzi Gömrük Hospitalının "Philips İngenia Elition X 3.0T." MRT cihazında mövcuddur. Həmçinin, bu cihaz ilə süd vəzi xəstəliklərinin müayinəsi də mümkündür.

"Philips Ingenia Elition X 3.0T." MRT cihazında mövcud olan zəngin koil imkanları bütün bədənin MR müayinəsini eyni zamanda aparılmasına, xüsusilə, onkoloji xəstələrdə xəstəliyin orqan və toxumalara yayılıb-yayılmadığını təyin etməkdə mütəsna əhəmiyyətə malikdir. Qapalı sahədə qorxusu olan klaustrofobiyalı xəstələr üçün MR boşluğunun geniş olması və MR otağında yerləşdirilmiş elektron monitor və işıqlanma sistemi xəstələrin rahat müayinəsinə imkan yaradıb.

Qeyd edək ki, yeni cihazda MR boşluğunun genişliyi 70 santimetr olub ən geniş diametrə sahibdir. MR boşluğunun geniş olması və maqnit gücünün güclü olması ağır çəkili xəstələrin bütün müayinələrinin aparılmasına imkan verir. Eyni zamanda, kiçik yaş qrupu xəstələrin sedasiyasız müayinəsi üçün xüsusi görüntü effektləri ilə təchiz edilib. Müayinə zamanı xəstələrdə narahatlıq yaradan gur səs yeni cihazda digərlərinə görə daha aşağı tembrdə və müayinə vaxtı daha qısadır.

Mərkəzi Gömrük Hospitalının tibbi cihazları sırasına ən müasir tələblərə cavab verən "Philips Ingenia Elition X 3.0T." MRT cihazının əlavə edilməsi, bura müraciət edən pasiyentlərin diaqnostik müayinələrinin və müalicə prosedurlarının keyfiyyətinin yüksəldilməsinə şərait yaradacaq.

Digər xəbərlər
SON XƏBƏRLƏR
Lənkəran icra başçısına qarşı sui-qəsd etmək istəyən şəxslər həbs edilib
13:52
Gürcüstanda LGTB təbliğatına qarşı konstitutsiya dəyişikliyi təklif edilir
13:36
Əhaliyə terror təhlükəsi ilə bağlı xəbərdarlıq edilib
13:13
ABŞ Moskvadakı terror hücumuna münasibət bildirib
13:29
Bu günə olan namaz və iftar vaxtı
19:20
İrəvanda ictimai nəqliyyatda gediş haqları artırılıb
22:53
Dövlət sirri bilənlərin xaricə gedişi çətinləşdirilir
20:43
Bu günə olan iftar vaxtı
19:07
Paşinyan müdafiə nazirinin işdən çıxarma səbəblərini açıqlayıb
18:27
DTX terror xəbərləri ilə bağlı bəyanat yayıb
18:24
Rusiya ABŞ və Aİ-dan üç dəfə çox silah istehsal edir
15:37
Vatikan Roma Papasının səhvini düzəldib
15:33
İrakli Kobaxidze Ermənistanın səfirini qəbul edib
14:28
Qanunsuz saxlanılan odlu silahların könüllü təhvil verilməsi ilə bağlı tədbirlər davam edir
14:19
ABŞ Ermənistana 52 milyon dollar ayıracaq
14:03
Dünən ölkə ərazisində qeydə alınan 40 cinayətin açılması təmin olunub
14:00
Qazaxıstan Respublikasının Prezidenti Kasım-Jomart Tokayev Füzuli şəhərinin Baş planı ilə tanış olub
13:58
Azərbaycan və Qazaxıstan arasında təhsil sahəsində sənədlərin imzalanma mərasimi olub
13:56
Naxçıvanda məktəbəqədər təhsil müəssisələrinə sənəd qəbulu elektron qaydada aparılır
13:55
Çağırışçının xidmətə yararsız olması barədə saxta hərbi bilet verilməsi ilə bağlı cinayət işi açılıb
13:53