Özbəkistan oktyabrın 1-dən etibarən öz boru kəmərləri şəbəkələrini Rusiyadan yüksək təzyiqli qaz almağa hazırladığını bildirib. Bu ilin iyunun 16-da Sankt-Peterburq Beynəlxalq İqtisadi Forumunda Rusiyanın “Qazprom” şirkəti Özbəkistan hakimiyyəti ilə Rusiya qazının Mərkəzi Asiya ölkəsinə tədarükü haqqında müqavilə imzalayıb. Müqaviləyə görə Rusiya qazının Özbəkistana Mərkəzi Asiya-Mərkəz qaz kəməri ilə əks rejimdə nəql ediləcəyi razılaşdırılıb.
Özbəkistanın öz təbii qaz ehtiyatları var, lakin qış mövsümündə daxili bazarda çatışmazlıqlar yaranır.
