Əfqanıstan mediası saat 19:00 radələrində iki ölkənin sərhədində Xost vilayətinin Mandozai rayonunda münaqişənin baş verdiyini yazıb.Münaqişənin Əfqanıstan təhlükəsizlik qüvvələrinin sərhəddə nəzarət-buraxılış məntəqəsi tikməsi səbəbindən baş verdiyi iddia edilib.

Davam edən qarşıdurmada ağır silahlardan da istifadə edildiyi bildirilib.

Əfqan administrasiyası hələlik məsələ ilə bağlı açıqlama verməsə də, sosial şəbəkələrdəki paylaşımlarda tərəflər arasında gərgin qarşıdurma olduğu görülüb.

İki ölkə arasında sərhəd problemləri

Əfqanıstan hökumətləri, o cümlədən hazırkı administrasiya iki ölkə arasındakı sərhəddəki Durand xəttini rəsmi sərhəd kimi qəbul etməyib.

Digər tərəfdən, Pakistan öz ərazisindəki terror aktlarında Əfqanıstanın da mühüm rol oynadığını iddia edir.

İslamabad administrasiyası ona qarşı mübarizə aparan Pakistan Talibanının (TTP) Əfqanıstanda yerləşdiyini və Əfqanıstan administrasiyasının bu təşkilata qarşı tədbir görmədiyini iddia edir. Əfqanıstan administrasiyası Pakistanın iddialarını rədd edir və onların ölkədəki təhlükəsizlik problemləri ilə heç bir əlaqəsi olmadığını iddia edir.

Əfqanıstan və Pakistan arasında sərhəd problemləri davam edərkən, sərhəd mübahisələri səbəbindən iki ölkənin təhlükəsizlik qüvvələri arasında bəzən ölümlə nəticələnən silahlı münaqişələr baş verir.